so was so tolles spannendes in der woche passier is:

- wir ham wieda mal vollkommen neue teile von barcelona gsechn wieda an anderen randbezirk und ham es gebaude von siemens umrundet des wor sehr sponnend =) weil ma da kathi ihr arbeit gsucht ham

- die ANDREA is angekommen - und des is klasse weil sie guad kochen kann und weil i endlich wieda mei gutzi in der nahe hob

-die tastertur hot kane umlaute und i waas ah net wo es klammeraffen zeichen is - und des nervt

- obwohl ma nu gar net in de jugendherberge umzogen sand war ma scho fort mit de leute von dort -und es is ka guade idee was zu trinken wenn ma nix essen kann weil ma ka zeit hat weil ma deppad customer support mochen muass

- i bin mim taxi heimgfahrn weil de letzte ubahn scho weg gwesen is - und bin draufkommen dass de lange schlange aus alten menschen ka reisegruppe is sondern alles leute de auch auf a taxi warten und i bin draufkommen dass de taxler da ah so ungegabt und unfreundlich sand wie in wien - weil er mi naemlich falsch hat aussteigen lassen aber i hob gott sei dank trotzdem irgendwie hamgfunden - also bini net verkommen

- wir ham coole belgier kennenglernt und australier und da bini glei wieda a bissl vorkommen wie in schweden und des wor sehr lustig

- i bin vom hotel in die jugendherberge umzogen und es hat geregnet wie i ma mei soch ausm hotel gholt hab - und es hat net nur geregnet es hat so richtig geschuettet und wir (die andrea war mit) warn vollkommen nass weil uns a auto angspritzt hat des war wie in am film -sehr witzig

- wir warn in am lokal des ausschaut wie a heuriger des wor recht witzig - wir ham a foto vom glasl gmacht damit ma uns merken wies haast

- i bin mitglied in einer bar gworden de eigentlich total cool is - und falls i wieda hinfind dann geh i wieda hin - weil i jo jetzt mitglied bin

- da australier hat fuer uns gekocht und es war echt lecker

- de komischen franzoesinnen de gestan bei uns einzogen sand wolltn mi aus meim bett vertreiben und weil se wie alle franzosen hald ka englisch reden und weil i net so wirklich guad franzoesisch kann war des a bissl a schwierige situation

- i hab mein ersten gehaltsscheck bekommen - i hab eh glei a foto vo erm gmacht aber weil i derzeit ka internet hab weil i lieba hotel mit internet gegen jugenherberge mit kueche / koch (da australier oda die andrea) und waschmaschine (weil i kane socken mehr ghabt hab) tauscht hab kann i sie derzeit leida net herzagen

- i hab meine woche ganz alleine arbeiten soguad wie ohne probleme ueberlebt und in meim tollen feedback bin i sogar fuer meine efficiency gelobt worden de bei 130% liegt und weili net waas wie ma des genau berechnet und waas es heisst schreib ichs amfoch so hin und es is jo eh was guades

- wir ham uns wohnungen angschaut - und i bin ma ziemlich sicha dass wenn i in so a wohnung einziagn wuerd mi kana bsuchen kommen taet und da schlaf i lieba am strand der is sauberer und hygienischer als so monche "wohnung" do

- wenn i am montag im customer support um 9:30 zum arbeiten anfang hab i 149 emails drinnad und um 9:38 wenn da computer nu net amal alle runtergladen hat weile so gacke langsam is rufen mi scho de ersten leut an (natuerlich deutsch =) de wissen wollen ob i des email des ma am samstag um 18 uhr irgendwas gschickt ham eh scho bearbeitet hab und weil i net unfreundlich sein derf weil des gegen de firmenpolitik is geht ma des ziemlich am nerv

- owa jetzt hob i jo angfangt an meinem tollen projekt zum arbeiten - i hab also endlich mein traumjob =) weil i leiter vom marketing department bin nur leida hab i keine angestellten aussa mir selba und ah bezahlung von 1,71 euro de stunde is in dem traum ah net vorkommen =) aber najo .... sobald i mal aussagfunden hab was i genau machen muass wird des vlt eh bessa

und jetza muass i eh nurmehr bis halbfuenf durchhalten dann is wochenende!!!!! und dann schau ma uns heute die coole magische springbrunnenshow (oda so ahnlich) am placa espanya an - und nachher hama beschlossen geh ma ordentlich fort ...... des wird sicha cool - weil da ja net alles zusperrt um 2 so wie in schweden sondern sich de lokale um de zeit erst anfangen voll zu werden........

und weil i gestan mei ganze wasche gwaschen hab kann ma heute sogar duschen gehn - weil es gibt nur heisses wasser fuer entweder waschmaschine oder dusche - und ka heizung aber ansonsten is de jugendherberge sehr toll....... solang mei bett net zambricht - aber da bini ma net so sicher i moch heute mal a soundfile davon damits wissts wovon i red =)